Володимир Ткач (20). Вічна пам"ять! Земля пухом! Царствіє Небесне!

Сьогодні у Чернівцях було поховано Володимира Івановича Ткача (1956-2010), оригінального мислителя, політолога, соціального технолога, поета-іроніста, кандидата філософських наук, постійного автора цього блогу.

Це велика втрата для української та російської інтелектуальної спільноти.

Окрім всього іншого, він був цікавим соціальним мислителем, чиї ідеї, без сумніву, були спрямовані на проектування нового суспільства, побудованого на нових етичних та політичних засадах.

Вічна пам"ять, земля пухом і Царствіє Небесне!

Усім, хто його знав або хто щиро спічуває, пропонується наступна молитва – молитва за усопших внезапною смертію.



_________________________________________

Неисповедимы судьбы Твои, Господи! Неизследимы пути Твои! Даяй дыхание всякой твари и вся от не сущих в бытие приведый, Ты овому посылаеши Ангела смерти в День, егоже не весть, и в час, егоже не чает; оваго же исхищаеши из руки смерти, даруеши живот при последнем издыхании; овому долготерпиши и даеши время на покаяние; оваго же, яко злак, сечеши мечем смерти во едином часе, во мгновении ока; оваго поражаеши громом и молниею, оваго сожигаеши пламенем, оваго же предаеши в снедь зверем дубравниим; овых повелеваеши поглотити волнам и безднам морским и пропастям земным; овых похищаеши язвою губительною, идеже смерть яко жнец пожинает и разлучает отца или матерь от чад их, брата от брата, супруга от супруги, младенца отторгает от лона матерняго, бездыханными повергает сильных земли, богатых и убогих. Что убо сие есть? Дивное и недоумеваемое нами смотрение Твое, Боже! Но Господи, Господи! Ты токмо Един, ведый вся, веси, чесо ради бывает сия и чесо ради быть, яко раб Твоей Володимер во едино мгновение ока пожерт бысть зиянием смерти. Аще наказуеши за многая, тяжкия прегрешения его, молим Тя, Многомилостиве и Всемилостиве Господи, да не яростию Твоею обличиши его и накажеши вконец, но, по благости Твоей и по безприкладному Твоему милосердию, яви ему велию милость Твою в прощении и оставлении грехов. Аще ли же усопший раб Твой, в житии сем помышляя День Судный, позна свое окаянство и возжела принести Тебе плоды достойные покаяния, но не достиже сего, зане позван бысть Тобою в день, егоже не веда, и в час, егоже не жда, того убо ради паче молим Тя, Преблагий и Премилосердый Господи, несоделанное покаяние, еже видесте очи Твои, и неоконченное дело спасения его исправи, устрой, соверши Твоею неизреченною благостию и человеколюбием; едину бо надежду имамы на Твое безконечное милосердие: у Тебе бо суд и наказание, у Тебе правда и неистощимая милость; Ты наказуеши, вкупе же и милуеши; биеши, вкупе же и приемлеши; прилежно молим Тя, Господи Боже наш, не накажи внезапу позванного к Тебе Страшным Судом Твоим, но пощади, пощади его и не отрини от лица Твоего. О, страшно внезапу впасти в руце Твои, Господи, и предстати на суд Твой нелицеприятный! Страшно отъити к Тебе без благодатнаго напутствия, без Покаяния и причащения Святых Твоих страшных и животворящих Тайн, Господи! Аще внезапу усопший приснопоминаемый нами раб Твой толико многогрешен, толико повинен есть осуждению на Твоем праведном суде, молим Тя, умилосердися над ним, не осуди его на вечное мучение, на вечную смерть; потерпи нам еще, даждь нам долготу дний наших, еже молитися Ти по вся дни о усопшем рабе Твоем, дондеже услышиши нас и приимеши милостию Твоею внезапу отшедшаго к Тебе; и даждь нам, Владыко, омыти грехи его слезами сокрушения и воздыханиями нашими пред Тобою, да не низведен будет по грехом своим на место мучения раб Твой Володимер, но да вселится в место упокоения. Ты Сам, Господи, повелеваеши ударяти в двери милосердия Твоего, молим Тя убо, Прещедрый Царю, и не престанем умоляти Твое милосердие и взывати с кающимся Давидом: помилуй, помилуй раба Твоего, Боже, по велицей Твоей милости. Аще же недовольно Ти словес наших, сего малаго моления нашего, умоляем Тя, Господи, верою в спасительныя заслуги Твои, упованием на искупительную и чудодейственную силу Твоея жертвы, принесенныя Тобою за грехи всего мира; молим Тя, о Сладчайший Иисусе! Ты еси Агнец Божий, вземляй грехи мира, распныйся ради нашего спасения! Молим Тя, яко Спасителя и Искупителя нашего, спаси и помилуй и вечныя муки избави душу приснопоминаемаго нами внезапу усопшаго раба Твоего Володимера, не остави его погибнути во веки, но сподоби достигнути тихаго пристанища Твоего и упокой тамо, идеже вси святии Твои упокоеваются. Вкупе же молим Тя, господи Иисусе Христе Боже наш, приими милостию Твоею и всех внезапу преставльшихся к Тебе рабов Твоих, ихже вода покры, трус объят, убийцы убиша, огнь попали, град, снег, мраз, голоть и дух бурен умертвиша, гром и молния попали, губительная язва порази, или иною коею виною умреша, по Твоему изволению и попущению, молим Тя, приими их под Твое благоутробие и воскреси их в жизнь вечную, святую и блаженную. Аминь.

Блог автора – матеріал, який відображає винятково точку зору автора. Текст блогу не претендує на об'єктивність та всебічність висвітлення теми, яка у ньому піднімається. Редакція "Української правди" не відповідає за достовірність та тлумачення наведеної інформації і виконує винятково роль носія. Точка зору редакції УП може не збігатися з точкою зору автора блогу.